阿育吠陀療法主要治療體能元素失衡嘅狀態。每個人特定嘅身心構造(即體能元素) 主要由五大元系組成(火水土氣空) ，呢啲元素係我哋出世嘅時候就已經定咗會以特定組合呈現，成為我哋最初出生時候嘅主要體素(原初體素) 。隨住我哋嘅成長受到環境、飲食、生活習慣等等嘅影響，會打亂咗步伐，進入一種失衡嘅狀態。 當體素能夠接近平衡並回復最初特定組合之時，我哋嘅身體就會返返去健康狀態，相反，當其中一方失衡，疾病或者唔舒服嘅感覺就會產生。 運用阿育吠陀療法會帶你慢慢回復最自然最原本嘅狀態。
錯誤嘅生活同飲食習慣同體素失衡息息相關，成日都話預防勝於治療，究竟點樣預防呢？
今日揀咗幾樣簡易嘅”晨間活動” 加入每朝早嘅習慣裏邊。
唔需要迫自己全部做晒，揀兩至三樣，少少改變已經對身體有深遠嘅作用。
1. 全身按摩- 按摩有助刺激淋巴系統，達到排毒之效。最理想係加入按摩油，並將油留喺皮膚上面至少20分鐘，比時間佢慢慢滲入皮膚底層。
2. 油漱法- 溫和簡易嘅潔淨做法，可利用純芝麻油含係口中幾分鐘然後吐入垃圾桶(最理想係10到20分鐘，可惜比較難實行，可以由幾分鐘開始，已經會見到效果)
3.瑜伽練習- 選擇可以令你達到身心平衡嘅運動，瑜伽練習為首選。練習瑜伽最理想時間為朝早，可根據唔同身體體素進行不同嘅練習，以得到最佳後果。(之後可以詳細講）
4. 刮舌頭- 係油漱法之前先做。每朝一起身第一件做嘅事，利用金屬或銅造刮舌苔器或細匙羹都可以, 刮3-7次,唔需要太大力, 每次刮完用水沖一沖器具。
5.飲用暖水- 完成刮舌頭、油漱法同刷牙之後做。 亦可以加入檸檬幫助平衡身體酸鹼值同淨化肝臟,刺激消化系統。
By 唔識寫野但喜歡分享既Adalynn
Follow us on IG @santispace_hk